RINNOVU

>C'era un mondu scemu in Aiacciu u 30 di ghjunghju per a prisentazione di lista cumpleta CORSICA LIBERA à u Palazzu di i Cungressi. Di tutti e generazione, di tutti i rughjoni. Secondu una certa meteo c'era a neve in Vizzavona. In fattu ci n'era pochu è micca.

Ritenimu a canzone "l'alba nova" fatta a posta da l'ARCUSGI per sta campagna, secondu un cantu di Joan Baez "eares to you" (nant'à Sacco è Vanzetti, dui anarchisti taliani cundannati a morte à tortu in America). Sta canzone ha messu l'allegria à stu meeting. Ghjuvan guidu Talamoni è Paulu Felice Benedetti cunduscenu a lista, Vero Sciaretti ghjè sicunda, Josepha Giacometti, Ghjuvan maria Poli, Rosa Prosperi è Mighè Giraschi cuntinueghjanu à lista. Petru Poggioli ghje l'ultimu, testimonu di a storia strazziata ma fida di sta lotta. Ghje una lista assai nova, di omi è donne sputichi arradicati indè a nostra lotta, i nostri paesi, i nostri quartieri di e cità. Ghjenti chi s'arritzanu a mane à bon'ora per travaglià, per studià, per trasmette valori à i so gennini, o pè beie a e surghjente di u patrimoniu corsu.

>U lindumanu, u FLNC rivendicheghja 24 azzione contr'à u Statu ripressivu è a spuliazione di a terra è si spiega indè un testu.
Saluteghja l'opara di rifundazione naziunale, sperentu sempre une unione di tutti i patriotti un ghjornu o l'altru. Si ne piglia à u putere di l'assemblea di Corsica chi vole vende a terra corsa per fà case secundaria per richoni auropeii. Si ne piglia dinù à i gruppi capitalisti chi sughjanu a Corsica : Veolia, Total, Suez, Casino,...

Dumanda à i stranghjeri à a Corsica scritti nant'à e liste elleturale, d'un andà à vutà per stu scrutinu ch'un ci intarrese micca.
U statu francese devera dunque piglia in contu e rivendicazione di sempre : a ricunniscenza di i diritti naziunali di u populu corsu, l'ufficialità di a lingua, un putere leghjislativu, a questione di i patriotti incarcerati.
Un si po francà di sta realtà pulitica.
In 2010 a mossa di a lotta naziunale scrivera dunque una pagina nova. Ch'ella fussi un alba nova....

Cunferanza di stampa di u FLNC in Aostu di u 2009